HERRIMIN - Idem

Herrimin bi euskal musikarik sortutako proiektua da, Asier del Alamo “Piña” (1995, Algorta) eta Iker Beñaran “Beñaranks” (1993, Donostia). Batez ere reggae musikaren eszenan mugitu dira, beste estiloak ere ikutuz, Bombadil Sound System, Gatzara Sound System. Bidaide, Agoteak, El Persianas y los Influencers Muertos eta 3head bezalako proiektuetan parte hartuz.

Honen asmoa, 60/70ko hamarkadetako hainbat euskal kanta ezagunen bertsioak egitea da euren arlora ekarrita, hau da, reggae musikara. Kasu batzuetan jatorrizko melodia eta hitzak errespetatuz, eta besteetan hauek aldatuz, beste abestietakoekin nahastuz eta ideia propioak gehituz. Helburua beraien garapen artistikorako garrantzizkoak izan diren erreferentzia ezberdinak batzea da, zubi bat eraikiz jamaikar eta euskal kulturaren artean.